Sisimiut umiarsualiviat

Sisimiuni umiarsualivik Kalaallit Nunaanni ukioq kaajallallugu sikuneq ajortut avannarlersarivaat.
 
Suliat
Umiarsualivik aalisarnikkut eqeersimaarluartunik angerlarsimaffiuvoq, kiisalu kilisaatit angisuut aalisaritutillu minnerusut Sisimiuni angerlarsimaffeqarlutik. Aalisarnikkut talittarfiup saniatigut umiatsianut minnerusunut umiatsiaaraatileqatigiinnullu namminersortunut talittarfeqarpoq, taama-tullu usingiaasarfik minnerusoq, uuliasiortunut talittarfik kiisalu imarpikkut ikaartaatinut talittarfik.

Imarpikkut ikaartaatinut umiarsuarnut talittarfik
Imarpikkut ikaartaatinut umiarsuarnut talittarfimmut ilaasartaatit talittarput, Kalaallit Nunaata kitaani kiffartuusisuusut, tassungalu aamma takornarissat umiarsuarsui ukiut tamaasa illoqarfimmut takornariartitsisartut 50-it sinnerlugit tikittartut talittarlutik. Talittarfik sapaatip akunneri tamaasa imarpik ikaarlugu umiarsuarsuarnik pilersuisunik taliffigineqartarpoq, tassanngaaniillu Qaanaamut Kangerlussuarmullu ingerlateqqitassat usilersuunneqartarlutik.

Imarpikkut ikaartaatinut umiarsuarnut talittarfik 50 meteritut takitigivoq, pulariaatigoorsinnaallutillu umiarsuit 8 meteriniit 13 meterit angullugit itsinillit. Imarpik ikaarlugu umiarsuarnut talittarfiup qulaaniit umiarsualivimmi taliffiusinnaasut allat assilineri Royal Arctic Line-p quppersagaani takusinnaavatit, imaluunniit una toorlugu.

Atugassarititaasut
Umiarsualivimmi atugassarititaasorpaalussuit naapitassaapput, soorlu:
 
Containerinut ilioraavik
Qeritsitsiviit
Umiarsuarnit oqarasuaatit
Imermik pilersuutit
Truckit
Nillataartitsiviit
Sivisunerusumik ilitsiviusinnaasut
Benzinamik dieselimillu immiisarfiit
Toqqorsiviit kiassakkat kiassagaanngitsullu
Traktorit
Amutsivik 250 tonsit tikillugit qaqitsisinnaasoq
 
Ulluinnarni ingerlatsineq
Sisimiuni ulluinarni ingerlatsinermut Royal Arctic Line akisussaasuuvoq, umiarsulivillu atortuu-taalu pillugit annertunersumik apequutissaqaruit, taava matuma quppernerup ataani attaveqarfiusin-naasut takusinnaavatit.
 
Tamatuma saniatigut kommunemi umiarsuartigut angallannerit una toorlugu annerusumik atuarsinnaavatit.