Umiarsuartigut attaveqarneq

Kalaallit Nunaata sibneriaa inoqarfiusoq tamakkerlugu Royal Arctic Line-p illoqarfinnut nunaqarfinnullu pajuttorluni ingerlaffigisarpaa. Peqatigitillugu Kalaallit Nunaata sineriaata kujasinnerusortaa kippasinnerusortaalu ilaasunik angallassiffiullunittaaq.

Angallassisartut asssiginngitsut marluk illoqarfiit nunqarfiillu nassiussatigut angalanertigullu kiffartuutarivaat. Sisimiut Kommuneani Sisimiut, Sarfannguit Itillerlu sinerissap sinneranut ilaasartaatitigut aalajangersimasumik attaveqarput, najugaqarfiillu tamarmik sisamaallutik umiarsuakkut nassiussanik pilersorneqarlutik.

Nassiussanik assartuineq
Kommunemi najugaqarfiit tamarmik umiarsuartigut nassiussanik pilersorneqarput, Sisimiulli Kangerlussuarlu tamakku saniatigut timmisartukkut nioqqutissanik nutaanik aamma pissarsisarlutik.

Nassiussanik angallassiviit Royal Arctic Line-p kiisalu Royal Arctic Bygdeservice-p angallavigivaat, taakkulu ataatsimoorlutik quppersagaanni quppersagaq ataatsimoorussaq angallassinermi piumasaqaatinut tunngasut annertunerusumik atuarneqarsinnaallutik. Quppersakkami tassani aamma umiarsualivinnut tikiffissat allassimaffeqarput, tassani umiarsuaatillit umiarsuisa killiffii takuneqarsinnaallutik.

Sisimiuniit Kangerlussuarmiilluunniit Royal Arctic Havneservice ikiortiseralugu annertunerusumillu paasinnikkusulluni attavigineqarsinnaavoq, KNI Pilersuisulli Itillimut Sarfannguanullu nassiussatigut tunngasut akissuteqarfigisinnaallugit.

Umiarsuit sineriassortut
Umiarsuaq sineriassortoq sineriassuinnanngilaq. Tamanna taaguutaavoq eqqumiitsoq, nunaqarfinnut umiarsuit assigalugit, sinnerissami innuttaasut attaveqaataannut. Umiarsuit ingerlasarfiisa nalunaarsornerat una toorlugu takusinnaavat, aammalu Arctic Umiaq Line-p allaffeqarfiini angallavissaat piffissat takuneqarsinnaallutittaaq, tassanilu aamma bilitsimik inniminniisinnaallutit.

Nunaqarfinnik kiffartuussineq
Itillimut Sarfannguanullu umiarsuit angalaneri Arctic Umiaq Line A/S, Royal Arctic Bygdeservice A/S kiisalu Martek ApS-ip ataatsimoorlutik isumagisarivaat, angalavissaalu piffissallu taamatullu akit inuit angalanerini nassiussallu una toorlugu takusinnaavatit.

Nunaqarfinnut angallatinut bilitsit qarasaasiakkut una toorlugu inniminnerneqarsinnaapput – angalanissamik pilersaarut akillu Royal Arctic Line-mi takuneqarsinnaammata uippalliutiginagu, naak ilaasussanut bilitsimik inniminniineq Arctic Umiaq Line aqqutigalugu pisaraluartoq.