Inuutissarsiutitigut ineriartortitsineq

Sisimiut Kommune kommuniuvoq ineriartorfiullunilu maligassiuisuusoq pingaarnertut killissarititaasunik pitsanngorsaaffiusoq, namminersortullu suliffeqarfiisa ineriartorfigilluarsinnaasaat.

Sammisat assigiinngitsut Sisimiut Kommuneata inuutissarsiutitigut pilersaarusiaani ataatsimoortillugit katersugaapput, taannalu inuutissarsiutitigut allatseqarfiup kommunip ingerlatsivii peqatigalugit suliarisarpaa piviusunngortinnissaallu isumagisarlugu.

Pilersaarusiorneq ilinniartitaanerlu
Inuutissarsiutitigut pilersaarusiami ilinniartitaanermilu kommunemi qanoq iliorluni pisinnaasat qaffassartuarniarneri sulissutaasarnersut atuarsinnaavatit. Inuutissarsiutitut ingerlatat nalinginnaasumik ineriartorfiusut tassalu takornariaqarneq aalisarnerlu aamma inuutissarsiutitigut pilersaarusiami iliuuseqarfiujuarnerat takuneqarsinnaalluni.

Aalisarnerup iluani Sisimiut ukoq allortarlugu Polar Fishimik taallugu aalisarnikkut saqqummersitsineq, tamatumani aalisarnerup pingaaruteqassusia ineriartortittuarnisaalu isiginiarneqartarlutik.

Attaveqaatit
Tamakku saniatigut inuutissarsiutitigut ineriartortitsinermi attaveqaatitigut ineriatortitsiuarnissaq pitsanngorsaajuarnissaq, nunaminertanillu sanaartorfigisakkanik atugassaqartitsinissaq pingaarute-qarluinnartuupput.

Attaveqaatit eqqarsaatigalugit Sisimiut Kommuneata inuutisarsiutitigullu allatseqarfiup umiarsualiviup ineriartortinnissaa taamatullu Sisimiut Kangerlusuullu akornatigut aqqusinertaarnissaq suliniutigiuarpaat.

Eqqaaneqartoq kingulleq tassalu aqqusinertaarnissaq pilersaarusiarujussuuvoq, inuu-tissarsiutitigut assigiinngitsorpassuartigut attuummassuteqartuummat, qupperneq ataaseq aqqusinniassamut tungasutigut immikkoortitaavoq.

Erngup nukinga, alumiiniu uulialu
Kalaallit Nunaata imeqarnikkut pisuussutai ukiuni kingullerni soqutigineqartorujussuuanngornikuu-voq, tamatumuunalu misissuinerit annertuseriarnikuullutik uuliap aatsitassallu akitsoriartorneri ilu-tigalugit.

Ukiuni makkunani Sisimiut eqaanni erngup nukinga atorlugu nukissiorfiliortoqarpoq, taamatullu alumiiniumik aatsiteriffiliorsinnaanissaq misissuiffigineqarluni, ukiunilu kingulliunerusuni aamma Sisimiut eqqaanni uuliamik misissuinerit ingerlanneqalerlutik.