Sisimiuni aallartitsiniartarfik

Sisimiut umiarsualivianni amutsivitoqqami aallartitsiniartarfiup Nutaaliorfik Sisimiunilu Inuutisarsiutitigut allatseqarfik inissisimaqatigivai.

Taamaasilluni illu eqeersimaarfiusussaq pilersinneqarsimavoq, aallartitsiniat siunnersorneqarsinnaallutik isummaminnillu nutaanik illumik eqeersimaarfiusumi avatangiiseqarlutik misiligaasinnaallutik, tassanilu issittumi teknologi inuutissarsiutitigullu imminut nammassinnaasumik ineriar¬tortitsinerit aamma ingerlatsiviusumi.

Sooq Sisimiut?
Sisimiut Kalaallit Nunaani illoqarfiit annersaasa tullerivaat, aningaasaqarnikkullu ineriartorluarfiusoq. Ineriartortitsinernik avatangiiseqarluni amerlasuut ingerlaqqeriarnissartik ornigisarpaat isumassarsiaminnillu piviusunngortiterusuttarlutik, taamalu ineriartortitsinikkut Sisimiut Kalaallillu Nunaat tamakkerlugu siunissami unamminartutigut nutaaliornissamik isuma piulersinneqarsinnaalluni.

Ilungersorumatuut ineriartortitsinerlu
Aallartitsiniartarfik ineriartortitsinermik/nutaaliornermik pingaartitsinermik pilersitseqataasarpoq, ilisimasallu nutartertuarnerisigut piviusunngortittuarnerisgullu, ilungersorumatuut aallartitsinianik avatangiiseqarnermikkut aamma isummanik nutaanik angusanillu pitsaasunik pilersitseqataassapput, tamakkulu aamma kinguaariinnut kalaallit akornanni inuutissarsiutillit ineriartortitserusussuseqarnissaannik tuniluutissallutik.

Ineriartortitsineq pingaartillugu
Aallartitsiniartarfiviup sanaartornikkut suliffeqarfinnik, avatangiisinik, Qarasaasiatigut, aliikkusersuinikkut, tusagassiutitigut, ilusilersuinikkut, kulturikkut avammullu nittarsaassinertigut ineriartortitsinissaq pingaartitarivaa. Illumiipput assigiinngitsutigut aallartitsiniat Sisimiuni inuutissarsiutitigut allatseqarfik siunnersortigalugu, aallartitseqqaallu taamaasillutik ulluinnarni siunnersorneqarsinnaallutik ilitsersorneqarlutillu, tassa misilittagallit ilisimasaat atorluarsinnaallugit tulaaffigisinnaallugillu.

Tamaani siunissaq tunngavilerneqartarpoq
Sisimiuni Aallartitsiniartarfimmut tikilluaqquatsigit. Ikiussavatsigit isummallu nutaat pitsaasut naammassillugit piviusunngortillugillu, maannilu siunissami kalaallit suliffeqarfiutissat tunngavilersorneqassapput.