Kalaallisut
Dansk
English
Inussuk / Grønlands Turist- og Erhvervsråd
Kalaallit Nunaanni Takornariaqarnikkut Inuutissarsiuteqarnikkullu Siunnersuisoqatigiit – GTE Kalaallit Nunaanni inuutissarsiutitigut ineriartortitsineq qulakkeerinneqataaffigisussaavaa. Aallartitsiniartuugaanni taava GTE-p ilaatigut suliffeqarfimmik ingerlatsinermut tunngasutigut sukumiinerusumik pilersaarusiornikkut ikiorsinnaavaatit, matumani ilaatigut tuniniaanermut, aningaasaqarnikkut aqutsinikkut, attaveqarnikkut isumaqatigiissusiornerillu ilanngullugit eqqarsaatigalugit.
GTE nittarsaassinikkut avammullu tuninniaanerup siuarsarneqarnissaani ilitsersuisuusarpoq, aammattaaq isumasioqatigiisitsinerit kalaallillu suliffeqarfiisigut inuutissarsiutitigullu periarfissatigut nalinginnaasutigullu paasititsiniaanerit peqataaffigisarpai.
Taamaasilluni GTE ilaatigut immikkoortuni inuutissarsiutitigut ineriartortitsinermik sammisat pillugit paasititsiniarnerit peqataaffigisarpai, EU-mit tapiissutitigut periarfissat pillugit isumasioqatigiissitsinerit ingerlattarlugit, suliffeqarfiillu pisortaat suliffeqarfiup pisisartullu imminnut pisariaqartinnerisinik paasititsiniaaffigisarlugit.
Isumasioqatigiissitsisimanerit nalunaarsorneri una takusinnaavatit
GTE-p quppersagaani allartitsinianut paasissutissarpassuit sukumiisut nassaarineqarsinnaapput, inussuk.gl iserfiginissaa innersuussutiginarpoq, Kalaallit Nunaannilu aallartitsiniat periarfissaat annertunerusumik atuarlugit.