Matumani isumassarsiatit oqallisigisinnaavatit misilillugillu

Allartitsiniat nukittuunik sammisamullu attuumassuteqartunik peqateqartariaqarput. Tamakku ilagilluinnarpaat aallartitsiniat allat, misilittaakkatigut avitseqatigineqarsinnaasut. Pingaartumik USA-mi aallartitsinianut oqallittarfippassuaqarpoq, aammalu soorlu Google-mi entrepreneur forum alakkartissallugu imminullu akilersinaavoq.

Nunani allani oqalittarfiit ataatsimoortillugit katersorsimavavut, tassa aallartitsiniat nunanit tamaneersut isumassarsiatigut, isumiussatigut misilittakkatigullu avitseqatigiiffigisartagaat:

Amino – Danmarkimiippoq, qallunaallu oqaasii atorlugit oqallittarfiulluni 10.000-it sinnerlugit atuisoqarluni, tassanilu ilaatigut sammisat aalajangersimasut oqallisigineqartarlutik, suleqatigisinnaasanik innersuussiffiusarluni, allarpassuarnillu sammisaqarfiusarluni.

Entrepreneur Forum – Storbrittanien-mut sammineruvoq, tassanilu ilaatigut isumassarsiatigut toqqaannartumik isummersuiffiusarluni, quppersagassaq naliliiffigineqarsinnaalluni saqqummiunneqarsinnaallunilu, kiisalu arlaatigut iluatsittunik oqalliffiusarluni.

Young Entrepreneur – USA-mut sammineruvoq, nalinginnaasumillu allartitsinianit oqallittarfiulluni misilittakkanillu avitseqatigiiffiusarluni, suliffeqarfiillu pilersaarusiornerinik pingaatitaqarfiulluni.