Kalaallisut
Dansk
English
Sunngiffik kulturilu
Atuakkanik atorniartarfik
Nunaqarfimmi maannakkut oqaluffittaap eqqaani oqaluffitoqqami annertunngitsumik atuakkanik atorniartarfeqarpoq. Tassani atuakkat kalaallisuut qallunaatuullu atorniarsinnaavatit, Sisimiut illoqarfiani atuakkanik atorniartarfimmut atuakkanik atorniarnissarnut inniminniinissarnut periarfissaqarputit, soorluttaaq atuakkanik atorniartarfimmi inuusuttunut atuakkat titartakkallu atorniarneqarsinnaasut. Atukkanik atorniartarfik marlunngornikkut nal. 16.00-imiit 18.00-ip tungaanut ammasarpoq.
Atuakkanik atorniartarfik aamma nunaqarfimmi utoqqarnut sapaatip akunneranut pingasoriaq kateriffittut aliikkusersorfittullu atorneqartarpoq.
Oqaluffik
Itillimi oqaluffik kulturikkut oqaluttuarisaanermi erlinnartuuvoq, tassaagami Kalaallit Nunaata avannaani Knud Rasmussenip nunaqarfiani Uummannatoqqamit 1962-imi matuneqartumit nuunneqarnikoq.
Oqaluffik ukioq naallugu ammasarpoq, ukiumullu pingasoriarluni sisamariarluniluunniit palasi nunaqarfimmut tikeraartarpoq. Taamatuttaaq sapaatit tamaasa nunaqarfimmi ajoqi kikkunnut tamanut soqutiginnittunut naalagiartitsisarpoq. Tamatuma saniatigut oqaluffik aasaanerani takornarissanut oqalugiarfittut atorneqatarpoq.
Arsaattarfik
Nunaqarfimmi sioraannaasumik arsaattarfeqarpoq, tassani nunaqarfimmi arsaattartut arsaattarput, taakkulu aamma Sisimiut illoqarfiani unammiuaarnermut peqataajartortarlutik. Taamatuttaaq tikeraat periarfissaqartillugu nunaqarfimmiunut unammisinnaasarput.
Katersortarfik
Katersortarfik nunaqarfimmut umiarsualivimmullu isikkiveqarluni qaqqajunnami sivinganermiippoq, ilaatigullu soorlu katittut, apersortittut inuuissiortullu nalliuttorsiutigineqarnerannut atorneqartarluni.
Taamatuttaaq ukiuunerani sapaatip akunneranut pingasoriaq ingerlanneqartartumi Aliikkusiarfittoqarnerani atorneqartarpoq. Aliikkusiarfittoqarnerani peqatigiinneq, pinnguaatinik pinnguarneq video-nillu isiginnaarneq sammisassaapput, soorluttaaq kaffisorsinnaaneq, kaagisorsinnaaneq il.il. periarfissaasut.