Itillip Atuarfia

Itillimi atuarfik
Itillimi atuarfik alloriarfinnut pingasunut aggulunneqarsimasunik 28-nik atuartoqarluni nunaqarfimmi atuarfiuvoq nuannerluinnartoq. Atuartut ilinniartitsisunit pingasunit akunnermullu ilinniartitsisumit ataatsimit ilinniartinneqartarput, atuarfimmilu init ilinniartitsivigineqartartut pingasuupput, inilu ataaseq igaffiutigaluni, ilinniartitsisunut inigiutigaluni, allaffiutigalunilu oqaloqatiginnittarfiuvoq.
Tamatuma saniatigut atuarfiup Oqaluffikoq atuakkanik atorniartarfittut atorpaa, nunaqarfimmilu sanaluttarfik Qiteqquttarfik assassorissanik suliaqarnissamut/nipilersornermut sammisunut ilinniartitsissutinut atorneqartarluni.

Nalinginnaasumik atuartitsinerit saniatigut atuartut nukarliit ulluinnarni peqataaffigisinnaasaannik atuarfimmi sunngiffimmi sammisassaqartitsisoqartarpoq. Taamatuttaaq ullut tamaasa sunngiffimmi ornittagaq ammasarpoq kiisalu septembarip qaammataanit apriilip qaammataata naanissaata tungaanut marlunngornikkut, sisamanngornikkut sapaatikkullu unnukkut inuusuttunut/inersimasunut klubbertitsisoqartarluni.

Atuarfiup siulersuisui
Atuarfiup siulersuisui angajoqqaanit pingasunik sinniisoqarpoq:

Jakobine Kajussen, siulittaasoq

• Peter Karlsen, ilaasortaq
• Lars Ole Dalager Jeremiassen, ilaasortaq
• Ilinniartitsisut sinniisaat: Amalie Dahl
• Atuartut sinniisaannit: Steffan Dahl Karlsen
• Immikkut aggersarneqartartoq: Jimmy Hymøller, Atuarfiup pisortaa

Atuartut sinniisaat
Atuartut sinniisaat alloriarfinnit tamanit marlunnik sinniisoqarput.

Itillip atuarfianut pingaartillugit tunngavigisat

Itillip atuarfiani malittareqqusat

Qupperneq siulianut uterit