Sunngiffik kulturilu

Kangerlussuarmi atuakkanik atorniartarfik
Kangerlussuarmi atuakkanik atorniartarfik atuartutnut nunaqarfimmiunullu atorniartarfittut atorneqarpoq. Atuakkanik atorniartarfik Qinnguata Atuarfiata illutaata ilaani inissimavoq, nalunaaqutarlu 14.00 tungaanut atuarfiup atuakkanik atorniartarfiatut atorneqartarluni.
 
Kangerlussuarmi atuakkanik atorniartarfiani anginngitsunnguami meeqqanut, inuusuttunut inersimasunullu atuakkiat qallunaatoortut kalaallisoortullu atugassaapput, nutaanillu kalaallisuunik saqqummertoqarneri tamaasa pissasiarineqartarput.
 
Atuagassiat assigiinngitsut aamma atuarsinnaavatit atuagassiallu qaammammut saqqummertartut kingulliit atuakkanik atorniartarfimmi pigineqartuaannarput. Politikken ullormut saqqummertartoq immikkut ittumik neqeroorutitut Danmarkimiit timmisartukkut tikisinneqartarpoq, taamatullu AG Sermitsiarlu saqqummertut kingulliit aamma atuarsinnaavartit.
 
Atuakkanik nassaarerusutannik atuakkanik atorniartarfimmi sulisup aamma ikiorsinnaavaatit. Kaffisorusaajutigalugu nerrivimmi sofamiluunniit atuakkamik aviisinilluunniit atuarujuunnginnermi atorniartarfimmi atorniartartunut atortorissaarutinik elektroniskinik ujarliuteqanngimmat atuakkanik atorniartarfimmi sulisumit ikiorneqariaannaalluni taamaattumik ajunngeqaaq.
 
Kangerlussuarmi atuakkanik atorniartarfimmut tikilluarit.

Golferneq
Nunarsuarmi Golfertarfiit 18-inik putoqartoq avannarpasinnersaat Arctic Circle Region-imi ippoq

Kisianni “Sondre Arctic Desert Golf Course” nalinginnaasumik golfertarfiunngilaq. Avannaarsuata nunataani inoqajuitsutut isikkoqartumi golfertarfik qaqqani moriissuni, sioqqani, kuummit marlunnik akunnilimmik, sermersuarmiit Kangerlussuup kangerluanut toqqaannartumik kuuttumit inissisimavoq.

Putut 18-iusut nunatami allangortinneqanngitsumi siammarsimapput, nunatami fairwaysinik, greens-inik teens-inillu toqqaaffiusimapput, tamatumalu kingorna golferneq aallalrtillugu, silaannarmi pitsaasumik kavaajaqarluni, pitsaasunik kamippaqarluni assammilu aaqqatini oqortuni isumannaatsoq iluaqutaasussaalluni.

Golfertarfik isumassarsianit pitsaasunit annikitsumillu aningaasartuuteqarluni pilersitaavoq, sulilu ullumikkut golfertarfik tikeraarnerani sammisassat allanit assigineqanngitsut misigisassaapput. Klubbi kalittakkamik illuuteqarpoq, golfertarfimmilu golfertartut biiliinik imaluunniit periarnissaq utaqqineqassanngilaq – qaqqat, sermeq Arctic Circle Regionillu tamaani pinngortitartaa immikkut ittoq nuannariinnassavat.

Mittarfeqarfiup illutaani Hotel Kangerlussuup saaffiginnittarfia saaffigineratigut golferutit attartorneqarsinnaapput, aamma tassani “Sondre Arctic Desert Golf Course”-imut isissutissat green fee-t akikitsut akilerneqartarput.

Kangerlussuarmi timersortarfik timigissartarfillu
Kangerlussuarmi timersortarfik naluttarfillu illumi ataatsimi inissisimapput, ammasarfiilu assigiingajallutik.

timersortarfiup inersuartaani timersornerit assersuutigalugu arsarneq, sulorarneq assigisailu aallussinnaavatit – aammalu bordtennissernissannik nunaqarfiullu timigissartarfiani nukkassaatinut atortorissaarutinut akiliillutit atuinissannik periarfissaqarputit.

Qupperneq siulianut uterit