Qinnguata Atuarfia, Kangerlussuaq

Atuarfik
Kangerlussuarmi atuarfik, Qinnguata Atuarfia 70-inik atuartoqarpoq, alloriarfinnut pingasunut avinneqarsimapput, atuarfimmilu init atuartitsiviusut 10-t quliullutik.

Ilinniartitsisut piffissamik tamakkiisumik atorfillit 10-t atuartitsineq ingerlattarpaat, init atuartitsiviusut saniatigut atuakkanik atorniartarfeqarlunilu, fysikkertarfeqarlunilu, ilusilersuisarfeqarlunilu, igasarfeqarlunilu, ilinniartitsisunut ineqarlunilu piareersartarfeqarpoq (pædagogisk værksted).
 
Atuarfik quleriinnik initaqarpoq, ininilu qullerni paaritittarfeqarlunilu fritidsklubbeqarpoq. paaritittarfik ”Fritteren”-imik taaneqartartoq nal. 0800-1600 ammasarpoq, meeqqat 1-3 klassit ornissinnaavaat. ”Fritteren”-imi sulisut marluupput.

Fritidsklubbi imalt. klubbi nal. 1600-2300 ammasarpoq, sulisullu pingasuullutik. Pingasunngornermi hallimiittoqarsinnaavoq, meeqqanut iserneq akeqarani. Nalunnguartoqarsinnaallunilu hallimi pinnguarineqarsinnaasunik tamanik pinnguarfiusinnaavoq.

Pingasunngornikkutaaq bowlingertarfimmi sammisassaqartitsisoqartarpoq, meeqqat akeqanngimik imminnut unammiuaarsinnaallutik.

Nunaqarfiup inuusuttaanut fritidsklubbimi assigiinngitsunik atugassaqarpoq, qarasaasiap internetimut attaveqqartup, kioskeeqqallu mamakujunnik, nerisassanik imeruersaatinillu nioqqutillip saniatigut nipilersuutinik assigiinngitsunik, billardertarfimmik, bordtennissertarfimmik allarpassuarnillu sammineqarsinnaasunik aamma peqarpoq.
 
Atuareernerup kingorna
Atuarfik unnukkut atuartitsivittut aamma atorneqartarpoq, soqutigineqarnerilu apeqqutaallutik pikkorissarnernik assigiinngitsunik ukiup affaanut neqerooruteqarfiusarluni. Allattariaarsornermut pisinnaasat pikkorissarfigeqqinnissaanut immaqalu aamma ilaatigut tuttut umimmaallu nassuinik sanalunnermut pikkorissaajartortumut peqataanissamut periarfissaavoq.

Paasissutissat annertunerusut
Atuarfimmi ataatsimoorussamik isumaat atuarniarukku una tooruk

Atuartut atuanngiffissaat takuniarukkit una tooruk

Qupperneq siulianut uterit