Itilleq qeqertami ukiup affaani nunamut aalajangersimasumut attaveqanngitsumi inissisimavoq. Sapaatip akunneranut ataasiarluni nunaqarfiliartaat Sisimiuniit Itillimukartarpoq.

 

Sisimiut Itillillu akornanni aqqummi assartuutit Marie Martek aamma Angaju Ittuk ingerlasarput. Angalanissanut pilersaarutinut paasissutissat nutartikkat takuniarukkit Royal Arctic Nunaqarfinnut angallassinera pillugu nittartagaa alakkarsinnaavat. Nittartagaanni talerpiup tungaani assartuutit taakku marluk angalanissaannut pilersaarutit nassaarisinnaavatit.

 

Una toorneratigut aamma aqqummut akit takusinnaavatit.

 

Aammattaaq Sisimiuni angallatinik minnerusunik inunnik angallassisinnaasunik attartorsinnaaneq periarfissaavoq, taakku Sarfannguanut angallassinnaavaatsit. Angalaneq nalunaaquttap ataatsip affaanillu sivisussuseqarpoq, silap qanoq innera apeqqutaalluni, angalanerlu imminik misigisassaavoq, sinerissap qeqertai kusanaqisut kitaani qaqqat aputillit kangianilu Davis stræde aqqusaarlugit.

Ataaniittumik Sisimiuni angallatinik angallassisartut arlaannut attaveqarit periarfissallu amerlanerusut akillu paasiniarlugit.