Atuarfiup atuakkanik atorniartarfia nunaqarfimmiup tamarmik atuakkanik atorniartarfigaat. Pingasunngornikkut nal. 16.00-imiit 18.00-ip tungaanut ammasarluni ornigarneqarluartarpoq. Atuakkat kalaallisut saqqummersitat nutaat tikisinneqartarput, atuakkallu soqutigineqarnerit arlalinngorlugit tikisinneqarsinnaasarlutik. Atuakkanik atorniartarfimmi aamma titartakkat Anders And-illu atorniarneqarsinnaasarput, atuartullu ilaatigut anitsiarnerminni atuakkanik atorniartarfik ornigarluartarpaat.

Nunaqarfimmi katersortarfik Amerloq-mut kitaanullu isikkiveqarluni qaqqajunnamiippoq.

 

Katersortarfik meeqqanut inuusuttunullu sunngiffimmi ornittakkatut atorneqartarpoq, unnukkullu nunaqarfiup inersimasortaanit atorneqartarluni. Ataasinngornermit tallimanngornerup tungaanut atuartunut sammisassaqartitsiviusarpoq, sapaatillu akunneranut pingasoriarluni assersuutigalugu video-rtitsisoqarluni fjersynertitsisoqarluniluunniit, assassortitsisoqarluni kiisalu kaffimik, tiimik kaaginillu tuniniaasoqarluni inersimasunut unnussiuaartitsisoqartarpoq.

 

Pisariaqartitsineq naapertorlugu ilaatigut peqatigiiffinnit, aammali avataanit tikeraartoqartilluni, ataatsimiiffittut atorneqartarpoq.