Kalaallisut
Dansk
English
Nukissiuuteqarneq
Kalaallit Nunaanni illoqarfiit nunaqarfiillu imminnut ungasinnerisa kingunerinik innaallagiaq, imeq kiassarnerlu sumiiffinni amerlanerpaani isumagisaasarpoq.
Taamatuttaaq Sisimiut Kommuneani ippoq, tassa Nukissiorfiit Sisimiuni isumagisaralugit.
Sisimiut illoqarfianni innaallagissiorfik kiassaataatigisoq:
Pingaarnertut innallagissiorfik dieselitortuuvoq nukimmik 8,2 MW pilersitsisartoq, tassa nukiliutit marluk 3,2 MW pilersuisinnaasut atorlugit kiisalu ataaseq 1,8 MW pilersitsisinnaasoq.
Nukimmik tunisassiorsinnaallutik: 10 KV, kiisalu pilersuisinnaallutik 240/400 V 50 Hz-iusumik.
Taakku saniatigut atorneqarluarnerata nalaani sillimmataasumik innaallagissiorfieqarluni, taannalu aamma dieselitortuulluni 3,6 MW nukimmik pilersitsisinnaasoq, nukiliutit marluullutik tamarmik nukimmik 0,9 MW pilersitsisinnaasut, kiisalu nukiliorfik ataaseq 1,8 MW pilersitsisinnaasoq. Nukiliorfik taanna nukimmik tunisassiorsinnaalluni KV kiisalu pilersuisinnaalluni 240/400 V Hz-imik.
Sisimiut illoqarfianni innaallagissamik pilersuineq 2006-imi 23.999 MWh missaaniippoq. Kiak tamatumani pilersinneqartartoq 2006-imi 18.000 MWh missaanilluni.
Illoqarfik 33-inik sakkortusaaveqarpoq, innaallagissallu aqqutai sakkortuut kabiliupput, sakkukinnerusullu kabiliullutillu silaannakkut ledningiullutittaaq.
Kiassarneq
Kiassarnermik pilersuineq Nukissiorfiit kiassaateqarfiinit sisamaasuniit ilaatigullu uuliamik kiassaatit annerit minnerilluunniit atorlugit isumagineqarpoq.
Kiassaateqarfiit sisamaasut ukuupput:
VV1: Tamanna kiassaateqarfimmiit 1-miit kiisalu innaallagissiorfimmi kissap sinneranik pilersugaavoq, tassalu umiarsualivik taamatullu najugaqarfiit immikkoortut marluk.
VV2: Tamanna kiassaateqarfimmiit 2-miit pilersugaavoq, illoqarfimmilu najugaqarfinnik pilersuiffiulluni.
VV3: Tamanna kiassaateqarfimmiit 3-miit taamatullu ikuallaaveqarfimmiit pilersugaavoq, illoqarfimmilu najugaqarfiit ilaannik pilersuiffiulunittaaq.
VV4: Tamanna VV3-miit pilersorneqarpoq, kiisalu illoqarfimmi najugaqarfik minnerusoq pilersu-garalugu. Taamatuttaaq VV4-p VV3-aqqutigalugu ikuallaaveqarfimmiit pilersorneqarsinnaalluni.
Tamakku saniatigut uuliatortumik kissaarsuutillit kiassaateqarfiit illoqarfimmi pisortat suliffeqarfiinit namminersortunillu pigineqarput.
Imeq
Kalaallit Nunaat pinngortitap tunniussinnaasaanik tarajuunngitsunik nunap qaani aannernik imeqar-feqarpoq. Sisimiut illoqarfiat illoqarfimmut qanittumiit tatsimiit imeqarfeqarpoq. Taassuma saniati-gut imeqarfimmut tatsimiit 2,5 kilometeritut illoqarfimmiit ungasitsigisumiittumiit immiisoqarluni.
Erngup attavii tamarmik oqorsaagaapput qerisoorsinnaanerilu innaallagissamik kiassagaallutik, taa-maasilluni ukiukkut sumiifiit imermik pilersugaajuarlutik.
Imermik pilersuinerup attaveqaataasa ukiumut imeq 882.000 kubikmeteri tunniussinnaavaat, tatsillu illoqarfimmik imermik pilersuisut marluusut ukiumut minnerpaamik 7,2 millioner kubikmeterimik tunniussisinnaasuullutik.