Kalaallisut
Dansk
English
Sisimiut Kommunea
Sisimiut Kommunea Kalaallit Nunaata kitaata sineriaaniippoq.
Kalaallit Nunaat nunarsuarmi qeqertat annersaraat, innuttaasullu 56.000-iusut illoqarfinni nunaqarfinnilu sinerissami kangerlunnilu siammarsimapput. Sisimiut Kommuneani 36.000 km2-iusumi 6140-inik innuttaasoqarpoq (2007). Inuit eqimassusiannut km2-ierimut inuit 0,6-it assigaa.
Kommune qaasuitsup killeqarfiani
Qaasuitsup killeqarfia nunaqarfiup Itillip kujataatungaaniippoq, nunaqarfiillu Kangerlussuaq Sarfannguillu kiisalu illoqarfik Sisimiut ilanngullugit kommunemi inoqarfiit sisamaallutik.
Ukiuunerani -35º C-it tikillugit issittarluni aasaaneranilu + 20º C-it tikillugit kiattarluni issittumik klimaqarpoq, taamaakkaluartorli Sisimiut Kalaallit Nunaanni sikujuitsuni avannarlersaavoq, tamatumalu saniatigut kalaallit qimmiinik qimusserfiusartuni kujasinnersaalluni.
Kalaallit Nunaata iluani nunanullu allanut timmisartuussinikkut qitiusumik inissisimalluni Kalaallit Nunaanni mittarfiit annersaat Kangerlussuaq/Søndre Strømfjord aamma kommunemippoq.
Inuutissarsiorneq
Aalisarneq kommunemi pingaarnertut inuutissarsiutigineqarpoq, Sisimiut illoqarfianilu pingaartumik raajanik, assagiarsunnik saarullinnillu aalisartartunik angisuunik aalisariuteqarlunilu kilisaateqarpoq. Tamatuma saniatigut illoqarfimmi nunaqarfinnilu pusinniartartunik, tuttunniartartunik umimmanniartartunillu aalisarnermik piniarnermillu inuutissarsiuteqartut arlaqarput.
Kangerlussuaq nunaqarfiulluni Kalaallit Nunaanni immikkuullarissuuvoq, matumani mittarfeqarnini, sakkutooqarluni nunanit tamalaaniillu ilisimatusartunit najorneqarluni kiffartuussinikkut pitsaasumik inissisimagami kiisalu amerliartuinnartunik takornarissanik ornigarneqarami.
Kalaallit inuiaqatigiit eqeersimaartut
Ilanngullugu kommunemi takornariaqarneq siunissami inuutissarsiutigineqartussat ilagaat, Sisimiut Kommuneanullu tikeraaraanni nuuffigigaanniluunniit pinngortitami annertuumik oqaluttuassaqartumi ulluinnarnilu eqeersimaartumik inuunermik misigisassaqarfiulluarpoq.