Arctic Circle Region-imut tikilluarit

Arctic Circle Region nunarsuarmik qaqqalimmik, kangerlulimmik, imalimmik sermersualimmillu nqeroorutissaqarpoq, ukiut nikerarnerisa qalipaataannik, unnuaanerani seqernup nukinganik arsarnerillu qingornerinik sunnerneqarsimasut. Nunap immikkoortuata qeqqatigoorportaaq qaasuitsup killeqarfia, tikeraanullu tamanut oqaluttuarpoq Issittup nunaata tamaaniinneranik.

Misigisassanut annertuunut aqqut naatsoq
Quppernerni ukunani takusinnaavatit Arctic Circle Region tikeraarukku misigisassanut takorluukkatit qanoq piviusunngortissinnaanerlugit. Nunap immikkoortuani nunatat aamma sammisassat atuarsinnaavatit, aammalu alloriarsinnavutit takornariartitsisartorpassuillu arlaat attaveqarfigalugu, angalanermik nuannersitsisinnaasoq.  

Sumiiffiit
Nunap immikkoortuani siammarsimallutik najugaqarfiit sisamat ipput. Sisimiut illoqarfiat qalipaatigissoq Davis Strædep sineriaaniippoq, Kangerlussuaq sumiiffimmi nunarsuaq tamakkerlugu oqaluttuassartalik sermersuarmillu eqqaamioqartoq, kiisalu nunaqarfiit Sarfannguit kangerluup qeqqaniittoq Itillerlu qaasuitsup killeqarfianiittoq, sinerissap qeqertarpaaniittoq qaqqanit apisimasunit unguneqarsimasoq. 

Arctic Circle Regionimi sumiikkaluaruilluunniit, nunarsuaq pingaartorsuaq aamma assigiinngisitaartorlu sammivinnut assigiinngitsunut sammisoq tamanullu misigigassaqartitsisoq nassaarissavat.

Angalalluarina!