Qilaap ingerlaartui

Arsarnerit qilak tupinnartunik immersortarpaa, illorisaata seqernup kaaviinnartup tunniussinnaanngisaatut. Ukiuunerani taarneq Qaasuitsup killeqarfiani taarsivinneq ajorpoq. Aamma aputip kisimi nuna qaammartinneq ajorpaa. 

Septemberimiit marsimut qilaap qalipaatai qorsuit, tungujortut sungaartullu, sarfarlutik arpattutullu, isikkivimmiit isikkivimmut sarfarlutik uterattaartutut ilillutik qilammi annertusiartortarput.

Ilisimasaqarneq
Arsarnerit silaannarsuarmiit seqernup qinngornerivai, nunarsuup kajumerisaanit tiguarneqartartut ingerlaannartumillu avannaarsuanilu kujataanilu qalasersuit akornanni ingerlaalersartut, ukioq kaajalallugu qilak naammattumik taarnerani takuneqarsinnaasut.

Sumiiffimmi ilisimasat
Kisianni arsarnerit taakkunannga annertunerupput. Ullutsinni unnuap qilaani qangatut uumassuseqarlutik pinnguartuupput. Tassami arsarnerni takuneqartarput kalaallit siuaasaat, qanga inuugallaramik nuannarisartik pinnguaatigiuaraat:

Qilammiuna arsaattut, arsarnerillu ingerlaarneri arsartuniit ingerlaarnerupput, aarrup niaqua arsatut atortagartik malillugu unnuami arpasaqattaartut.

Isiginnaartuniit arsartut ungasippallaalissappata, taava unnuami uingiarsortoqarsinnaavoq qanillisinniarlugit. Kisianni mianersorit, tassami siuligut qanillivallaarsinnaapput ersinarsillutik, taamaattumik naammattumik ungasissuseqarnissaat isumagiuk, tamanna assat pattannerisigut seqqortillugit pisinnaavoq.

Arsarnerit ataanni inuuneq
Qaasuitsup killeqarfiani arsarnerit ataanni sammisassanik amerlasoorpassuanik misigisaqarnissamut periarfissaqarpoq. 

Arsarnerit suli apinnginnerani takuneqarsinnaapput, pisunnermi, piniarnermi, eqalunniarnermi, golfernermi angalanermiluunniit.

Aamma aputip, arsarnerit, aamma qimussernermi, sisorarnermi imaluunniit qamuteralannik ingerlaarnerit akuleriisikkaanni inuunermi misigisassanik misiginnittoqarsinnaavoq.

Tassa avannaani unnuami tungujortumut taartumut aniinnartoqarsinnaavoq niaqorlu tunumut ivertillugu. Qilaap sinnera isumagissavaa.