Indlandsisen

Kalaallit Nunaata sermersua annertussutsimigut tupinnarpoq. Nunap 85 procentia sermemit qallersimavoq, oqaaserlu sikoqarn immaqa sermip qaavanik nassuiaraanni pitsaaneruvoq, nunamik oqaatsimut taarsiullugu.

Sermersuaq nunatamininnguup naugaqarfiusumut annikinnerusumut iikkatut inissisimasutut ippoq. Uangisissumiit isigalugu sermeq qaqortutut ataqqinarpaluttumillu isikkoqarpoq, kisianni pinngortitap nukiinik inuillu annertussusaannik eqqaasitsiuaannarpoq.

Annertoorsuarmik qanittumiinneq
SErmersuarmut tikeraaraanni malugineqarsinnaavoq, naak suna tamarmi qerisutut issinnaagaluartut, aammalu sermimut nakkaasut tamarmik aputitut ikkaluartut, sermersuaq uumassuseqartoq, qummukartuartoq ingerlajuartorlu, avissaartartoq napisartorlu, namminerlu qanoq ittuunerminik takutitsiuartoq, tikeraarnermiit tikeraarnermut.

Qaasuitsup killeqarfiani nalinginnaasumiit annertunerusumik sermimik qanillisaqarsinnaavutit. Kangerlussuarmiit sermip killinganut aqqusineqarpoq, tassanngaanniillu sermeq isikkappit ataani tullaassinnaavat malugalugulu. Taqqamunga aqqutaani ilutigitillugu annertuumik misigisaqarsinnaavutit, umimmaat takugukkit, aamma soorunami uninnissamut uumasullu taassuma immikkut ittup assiliinissaanut isiginnaarnissaanullu periarfissaqassaaq. 

Angallatit nunasiutaasinnaasut atorlugit sermersuarmukaruit, siuninniissaaq nuna Europap qeqqatut annertutigisoq sermiusoq siuninniissaaq, isikkivik killeqanngitsutut illuni, aammalu ungasissutsit nunarsuarmut qaqortumut tammartutut illutik. Amerlanernut oqariartaaseq ”naammattumik inissaqarpoq” isumaqalertarpoq.

Sermeq ingerlaartuaannarpoq
Sermersuaq ukiut 2 millionit matuma siornatigulli pilersinneqarpoq, kisianni sermip killingani misigineqarsinnaavoq, sermip killinga qanoq allangorartuaannartuusoq. Siku arriitsumik taarserneqartarpoq, taassumalu killingani takuneqarsinnaapput inissitsinerneri kusanartut quppallu angisuut.

Sermip killingani sermeq nipaqanngitsuunanilu narlorissuunngilaq. Tassani qulloortarpoq. Tassanngaaniit iminnguunnerit tatsinut angisuunut, tassanngaanniillu kangerlunnut kuuttarput.

Taakanilu aallartippoq sermersuaq inoqajuitsoq, tassani misigisaqarusuttut Tunumut sisorarlutillu qimussersinnaapput, imaluunniit nalinginnaasumik toqusinnaasut malugisinnaavaat, sermersuaq qanoq nillataartitsiviusoq, unammillernartunut nutaanut matumik ammaassiuaannartoq. 

Sammisassat sisorarnerup, qimussernerup, umimmannik takusassarsiornerup sermersuullu ataanni Qaasuitsup killeqarfiani sermersuarmi eqqaanilu sammisassat takornariartitsisartullu atuakkit.