Issittumi immami aqqaamaneq

Kalaallit Nunaata imaani aqqarniarluni angalanermi tupigutsanngitsoorneq ajornaqaaq. Immap naqqani misigisat, immap qaavanitutulli, sakkortutigisut misigalugit puigunaatsuupput.

Inuit ikittuinnaat takusimasaat, immap naqqani aseqqukuni aqqarsimareerluni immami puttalasoqarsinnaavoq qaqqat sermillit, iluliarsuarluunniit oqimaangaatoq tissukarusaartoq isiginnaarlugit.

Taamaattumik issittumi imaanut aqqaamaneq misigisaavoq tupinnartoq, immap ilua ilimaginngisamik naggorissoq erseqqaarissorlu takusassaallutik. 

Immaani  aqqaamanermi qeeqqat, nipisaat, qeqqussat 4-6 meterisut takitigisunik pilutallit søagurkillu aappallaariit takuneqarsinnaapput. Aamma unnukkorsiutissatut uiluiit katersorneqarsinnaapput.

Nunap immikkoortuata takornariartitsisui PADI aamma SSI-p piumasaqaataanut naapertuuttumik akuersissuteqarput, aqqartartullu angallataanik, taamatuttaaq pissutsinut immikkut ittunut atortorissaarutinik atuisinnaatitaallutik.

Silarsuarmi inuit siulliit ilagalugit, Borgin aamma Tugthusskibet-ip aseqqukuinut aqqarit, silarsuarlu Kalaallit Nunaata imaata naqqaniittoq tupinnartumik uumassusilik misigalugu.