Avannaarsuata inoqajuitsuani Golferneq

Nunarsuarmi Golfertarfiit 18-inik putoqartoq avannarpasinnersaat Arctic Circle Region-imi ippoq

Kisianni “Sondre Arctic Desert Golf Course” nalinginnaasumik golfertarfiunngilaq. Avannaarsuata nunataani inoqajuitsutut isikkoqartumi golfertarfik qaqqani moriissuni, sioqqani, kuummit marlunnik akunnilimmik, sermersuarmiit Kangerlussuup kangerluanut toqqaannartumik kuuttumit inissisimavoq.

Golferneq immikkut ittoq
Putut 18-iusut nunatami allangortinneqanngitsumi siammarsimapput, nunatami fairwaysinik, greens-inik teens-inillu toqqaaffiusimapput, tamatumalu kingorna golferneq aallalrtillugu, silaannarmi pitsaasumik kavaajaqarluni, pitsaasunik kamippaqarluni assammilu aaqqatini oqortuni isumannaatsoq iluaqutaasussaalluni.

Tamakku tamarmik aallartipput timmisartortartut marluk 1986-imi isumassarsinerisigut. Tamatuma kinguninngua sumiiffimmi suliniartut golfertarfik pilersipallareerpaat, aammalu taamanikkulli peqqarniinnini unammillernartumillu isikkoqarnini paariinnarsimallugu.

Eqqaamiorisaq angisoorsuaq qaqortoq
Sumiiffimmi taamaattumi golferluni misigisassat ilagaat,  sermersuarmiit kilometeerialunnguanik ungasissuseqartumiit anori toqqaannartumik supisoq, sermemit sequtsertumit pilersorneqartumit, putting-inut greens-inut aamma teen-inut tokkaarneqarsimasut nikinnaveerlugit. 

Golfertarfik qaasuitsup killeqarfiata avannaatungaani 55 kilometerit, Kangerlussuarmiit sermersuarmut aqqummiit ungasilaartumi inissisimavoq. 

Fairway-imiillu umimmat ungoorlugu ulapputeqangikkaanni, uninngaartoqarsinnaavoq sermersuullu qaavatungaa isiginnaarlugu, isikkivimmiit qummut saattutut ittoq. Tassaniippoq silaannaq silaannarissaq, qilak qutsissoq nunarsuarlu illit kisivit pigalugu. 

Nuannarinninnissamut inissaqartitsineq
Golfertarfik isumassarsianit pitsaasunit annikitsumillu aningaasartuuteqarluni pilersitaavoq, sulilu ullumikkut golfertarfik tikeraarnerani sammisassat allanit assigineqanngitsut misigisassaapput. Klubbi kalittakkamik illuuteqarpoq, golfertarfimmilu golfertartut biiliinik imaluunniit periarnissaq utaqqineqassanngilaq – qaqqat, sermeq Arctic Circle Regionillu tamaani pinngortitartaa immikkut ittoq nuannariinnassavat.

Mittarfeqarfiup illutaani Hotel Kangerlussuup saaffiginnittarfia saaffigineratigut golferutit attartorneqarsinnaapput, aamma tassani “Sondre Arctic Desert Golf Course”-imut isissutissat green fee-t akikitsut akilerneqartarput.

---

---