Piareersarfissanngorpoq

Nammattagaqarluni, piffissaqarluni misilittagaqarusussuseqarlunilu Arctic Circle Refion pisuffissaavoq pitsassuaq. Nuna imaaniit sermersarmut ammasuuvoq aamma tupermi illuaqqamiluunniit unnuisoqarsinnaavoq, aqqutit aaqqissuussat imaluunniit qooqqut qaqqallu qaavisigut, kuuit qarsullugit, tatsit kangerluillu sinerlugit ingerlaarfigineqarsinnaapput. 

Nunap immikkoortua tamarmi piareersaqqaarnissamut ammasuummat uani aqqutaasinnaasut pingasut eqqaassavagut, taakkunannga ataaseq kangerlummiit illoqarfimmut ulluni pingasuni angalaffiusinnaasoq, ilummukarluni silammukarluniluunniit nuannersumik umiatsiarnissamik ilaqartoq.

Aqqutip aappaa unnuiffiusinnaasoq illuaqqami Ufo-tut ilusilersukkami kangerlummut kusanartorsuarmut isikkivilimmut – pingajuallu pisulluni angallavissuaq Arctic Circle Trail Kangerlussuarmiit Sisimiunut ingerlaarfiusoq. 

Nunap timaanut pulaternerugit
Qaqqaqarfinni tummaanneqarsimanngitsuni sivisuumik angalanissanoortuuiit, taava nalunngereersimassavat, nammineersinnaassuseqartariaqartoq sumiissusersiornissamullu sungiusarluarsimasariaqartoq aamma nunami qattunersarasaartumi akunnattumik takissusilimmi takisoorsuarmilu, silami allanngorartumi nunamilu unammillernartumiinnissaq naammassineqartussaasoq. 

Kisianni ilisimaviuk, sungiussisimalluartumik angallassisulerlutit Arctic Circle Regionimi pisummik angalanerit immikkorluinnaq pissarsiaqaatigisinnaagakkuu?

Illuaqqamut aallarluni angerlarlunilu unnuineriinnaappata imaluunniit nunap timaani ulluni 10-12 angalaneruppata, taava angallassisartut sungiussisimalluartut pisummik angalanerit nunap oqaluttuassartaanik, kulturikkut pingaaruteqassusaannut, uumasoqassutsimut naasoqassutsimullu, soorlu paasissallugit sumiiffimmi najugaqartariaqarluni, misigisassanngortissinnaavaat pitsaasoq.

Nunap immikkoortuani pisummik angalatinnak pisulluni anglanissamut nunap assingi pingasuusut iluaqutissatut pisiarisinnaavatit atuarluarlugillu, taakku Greenland Tourism-ip Arctic Circle Trail-imut saqqummersinnikuuvai. Taakku saniatigut qaqqaniinnissamut malittarisassat takusariaqarpatit malillugillu, taakku una toorneratigut atuarsinnaavatit.

Angalatitsisartut angalanerillu
Illit kissaatigisannut tulluartunik angalanissamut siunnersuutinik pissarserusuppiit, aammalu pisulluni angalanermik immikkut misigisaqarusuppiit, taava uani takusinnaavatit kikkut qaqqanut angallassinnaaneraatsit.

Unnuilluni angalanissat toqqarneqartut pillugit annerusumik atuagaqarniaruit, taava ataani toqqakkat tuukkit.

Er du interesseret i at få råd om ture, der passer dine ønsker, og har du lyst til en særlig vandreoplevelse, så kan du se hvilke guider, der kan tage dig med til fjelds her.

---

World of Greenland - Arctic Circle

---

Narralak

---