Piffissaq: Majuarneq akunnerit 4-5  – ammukarneq akunnerit 3-4.

Ilisarnaatit: Ilisarnaatit qorsuit inussuillu.

 

Una tassaavoq unnuiniarluni angalaneq alianaatsoq, pisulluni angalasartunut nukittuunut ulluinnarlugu angalanertut takisuutut ilineqarsinnaasoq, kisianni inassutigaarput unnuinissaq Uuforlu nuannaarfigalugu unnuaaneranilu seqineq imaluunniit arsarnernut isikkivik nuannaarutigalugu.

 

Uufomi atugassaqanngilaq tassalu iganermut atortut ilissi nammineq nassassavasi. Taamaattorli eqqannguani taseqarpoq imertut atorneqarsinnaasumik. Taakku saniatigut qaqqani malittarisassat ilisimasariaqarput paasillugillu, aammalu Sisimiut eqqaanni kitaata silaa allanngujasuararsuuvoq, immikkut atisassamaatissanik nerisassanillu nassartuaannarnissaq pisariaqarluni arlaannik pisoqariataarsinnaaneranut.

Angalaneq Sisimiut illoqarfianni aallartiffeqarpoq Aqqusinersuaq kangimut pisuffigalugu imaluunniit imeqarfimmut busserluni, aqquserngup naaneraniittoq illu tungujortoq, tassaniillunilu illoqarfimmi qimminut qimuttunut nunaminertat annersaat.

 

Tassanngaaniit avannamut kangimullu qooroq ammasoq atorlugu isikkiveqassaasi, taanna Sisimiut eqqaanni qinngunnguamiittumi Kangerluarsunnguamut kuuttumi kuussuup illuatungaani avannamut kangimut ersertoq avannaatungaani qattuninnguaq tikitassassi tungaanut aqqutigissavarsi.

 

Uani aqqusineq sioraannaasoq aallartiffeqarpoq, aamma saamiatungaani takusinnaavarsi qanga helikopterinut mittarfiusimasoq, aamma aqqusineq qimmeqarfimmut qimminut pitussimasunut amerlasuunut qaqqap tungaanut sanguffeqarpoq. Tassanngaaniit aqqusineq sioraasoq qaqqamut ungasiaartumut ingerlaqqippoq, angalanerullu taannartaa pisuffigiuminarpoq narsarsuarmullu aamma Nasaasaap tungaanut kangianilu qaqqanut isikkivimmik peqarpoq.  

Aqqusineq sioraasoq ingerlarfigingaatsiareeraanni qooqqup illuatungaa tikinneqassaaq avannaatungaanilu qaqqap sinaa tikinneqassalluni tassanngaanniillu qaqqaq sinerlugu Kangerluarsunnguup tungaanut kimmut sangussaasi. Inunnut nunap assinganik ilisimasalinnut paatsiveerunnarsinnaavoq, kisianni aqquserngup sioraasup sangusariaa tikissavarsi, tassaniipporlu biilit unittarfiat annikitsoq. Tassanngaaniit qaqqap sinaa sinerlugu kangimut utissaasi pisuinnaat aqqutaat atorlugu. 

 

Aallaqqaammut aqqusineeraq aqqutigissavarsi, qorsunnik ilisarnaatinik inussunnillu ilisarnaasersugaasoq. Ilisarnaatit imminnut ungasissinnaapput, kisianni qaqqaq sinerlugu kangimukanneq ingerlaannassaasi, kisianni aamma talerpiup tungissinniittoq – tassa kujammut – narsartaq qanoq siaarnersoq takusinnaavarsi. Taassuma qeqqani kuuk annertujaaq kuuppoq, aamma taanna ukiuunerani qimussinut aqqutaasarpoq.

Aqqusaagassamiit kuuk takkutissaaq, Majoriap eqqaani Uufumiit aallaaveqartoq, aammalu amerlanernut pilerinarsinnaavoq qaqqaq sinerlugu aqqutaaniit allamut sangunissaq, ilaannut orpigartarasaartuunera pissutigalugu ajornakusoorsinnaasoq. Kisianni takuinnarlugu salloqittaasinnaavoq, kuummut toqqaannarlugu ingerlarusuttunut, tassami takanani ukioq naallugu masarsuuvoq masattuullunilu.  

 

Aqqutaa tamaat qooroq amiliartussaaq, aqqusaagassakkut majuarusaarnissinni, taanna Niuuarfimmik taaneqartarpoq, ukiut tamaasa qimussertunik tamaani ajoqusertoqartarnera pissutigalugu.

Tamatuma kinguninngua pisulluni aqqutip kuuk malilissavaa, taassumalu majuarluni aqqutip sinnera malittaralugu. Sivinganeq qaanngigassaavoq, aqqusaagassap siulliup illuatungaa tikikkussiuk taseq angisooq kusanartorlu tikissavarsi, taanna ilaatigut uninngallatsiarnissamut seqinnarinneranilu qasuersaarfissatut tulluartuuvoq.

 

Aqqusineeraq ilaatigut takujuminaassimappat, taava tatsip saamiatungaatigut ersarisseqqissaaq, illuatungaanili tammavilluni tammassaaq. Illuatungaatigulli aqqusineq nalornissutigineqassanngilaq – aqqusaagassaq maliinnarlugu kuuk qummut maliinnaruk. Aqqutaa tamaat majuarfiussaaq, kisianni naammaannartumik ingerlarujoorfiulluni kusanartumillu isikkiveqarluni.

Sivisuaamik majuarusaareerluni isumaqarnarsinnaavoq aqqusaagassap manna qatsinnersarigaa, kisianni qaavanut pigaanni soorunami paasineqassaaq, suli illuatungaani portunerusumik aqqusaagassaqartoq. Majuarissatigut qummut majuarluni pisunnerit namminneq alutornassuseqarpoq.

Illuatungaatigulli uanngaaniit Uufup tungaanut annikitsuinnarmik ammukarfissaqarpoq, aqqusaakkamiit ersarissumik takuneqarsinnaasumik. Ilutigitillugulu avannaatungaani kangerlummut Kangerluarsuk Tullermut kusanartumik isikkiveqalersaasi.  

 

Taamaattorli isikkivik suli pitsaanerulissaaq, tassami illuaraq tikikkussiuk, eqqortumik Uufutut nammineq missutissaminik niululigaasoq, kangerluk sinerlugu ammut qummullu 180 gradenik kusanartumik isikkiveqarpoq. Uanngaaniit kangiata qinngua kimmullu Davis Strædet ilangaatsiarsua takuneqarsinnaavoq. Ulluinnarlugu angalanissaq pilersaarusiorsimagussiuk, taava paarnanik ujaasipallalaarnissaq imermillu sillimmatissamik aallipallalaarnissaq imminut akilersinnaassaaq. Amerlanersaasa tamaanngaaniit ingerlaannaq ingerlaqqinnissaq kajumerineq ajorpaat.

 

Illuaraq Sisimiuni Lions Club-imiit aningaasaliiffigineqarnikuuvoq kaajallallugulu igalaaqarpoq. Siniffii igalaavi tikillugit portussuseqarput, taamaasillusilu unnuaq naallugu unnuap seqernani innangasinnaavusi siniffiup puuaniillusilu isikkivik isiginnaarsinnaallugu.  

Utimut aqqutaa aqqutaasimasup illuatungaanut sammineruvaa. Kangerlummut isikkivik qimatsikkuminaatsikkussiuk, taava Nasaasaamut isikkivik isikkivigingajalerparsi, aqqusaagassamiit angerlamullu aqqutaani portusigaluttuinnartutut isikkoqartussaq.

 

Sumiiffimmik ilisimannikkussi, nammineersinnaassuseqarlusi pisunnissamullu piareersarluarsimallusilu, nunap assinginik sumiissusersiutinillu atuinermut paasinninnermullu ilisimasaqarluarlusi, imaluunnit sumiiffimmi angallassisartumik angalaqateqarnissamut isumaqatigiissuteqarnikuullusi, taava aqqusaagassami portunerusut qatsissutsip 372 eqqaani kimmut aqqutaa qatsissutsillu 646 kitaanut aqqutaa tigunissaat misigisaqarfiusinnaavoq.  

 

Tassanngaaniit Qatsissutsimut 554 aamma tassanngaaniit Palasip qaqqaanut pisunnissaq periarfissaqarpoq kujammut utimut Sisimiunut ingerlaqqinnginnermi, kisianni erseqqissaatigineqassaaq, angalaneq taanna pilersaarusiornermik, misilittagaqarnermik sumiiffimmilu ilisimasaqarnermik pisariaqartitsimmat. 

 

Amerlanerit aallarfimmiit aqqut aqqutigalugu uternissaq toqqartarpaat, taamaasillutillu aqqusaagassaq kusanartoq misiginissaanut Nasaasaamullu isikkivik kusanartoq misiginissaanut akuerisaasarlutik.