Ulluinnarlugu angalanerit

Kangerlussuup eqqaani qaqqat qaavi
Kangerlussuup eqqaani qaqqat pukkitsuupput, qattunertuut sermersuarmullu isikkiveqalersitsillutik aammalu tatsinut qaqqanullu isigisinnaasaq tamakkerlugu. Nunaqarfiup eqqaani akunnialunnguit pisulluni angalanerit nunap annertussusaanik takunnilersitsisarput, aammalu tamanna nammattagalerluni unnuinertalerlugulu sivisunerusumik angalanissamut kissassaataavoq pitsassuaq.

Kissaatitit sapinngisatillu malillugit angalanissamik ataqatigiissaarisinnaasumik sumiiffimmi angallassisartumik attaveqarit.

Sisimiut eqqaanni qaqqat qaavi angalanerillu allat
Sisimiut eqqaanni qaqqat imaaniit puttutiinnarsimasutut isikkoqarput illoqarfiullu ungataani takoranneqalutik inissisimapput. Taamaakkaluartoq pisuttunut nutaanut sungiussisimalluartunullu qaqqat qaavi arlallit tikinneqarsinnaaput, qulaaniit takunnikkusuttunut Kalaallit Nunaannilu illoqarfiit annersaasa tullianik tamatumalu eqqaani nunarsuarmik misiginnikkusuttunut.
   
Angallassisulerlutit pisunniaruit taava sumiiffimmi angallassisartumik attaveqarit