Imaatigut aqqutit

Sukkasuumik kiffaanngissuseqalerneq
Qamuteralaat kiffaanngissusermut tunngasuupput. Piaartumik nunaannarmut pinissamut kiffaanngissuseq, sermip iigartartup qaavanut imaluunnit ilaquttat ilagalugit aallalaarluni ingerlanissamut kiffaanngissuseq, nunap immikkoortuanik annertuunik misissuinissamut aammalu unnukkut nerinissamut apuussinnaanissamut kiffaanngissuseq, aammalu Qaasuitsup killeqarfiani ukiukkut inuunermi nuannaarnissamut kiffaanngissuseq.
 
Qamuteralaat atorlugit annertuumik misigisassanut aqqut annikitsunnguuvoq, ammalu qaqqani kangerlunnilu sivikitsumik takisuumillunniit angalanissamut periarfissanik ammaassisarlutik, aappariiaarluni arlalikkaarluniluunniit, sukkalisaarluni arriisaarluniluunniit. Eqqarsarnissamut piffissaasarpoq.


Sisimiut illoqarfianiit Kangerlussuarmiillu qamuteralaat atorlugit Qaasuitsup killeqarfia qanillisinnaavat, tassami motorilinnik nuannisarneq aamma uninngallatsiarnissamut eqqarsarnissamullu inissaqartitsimmat. Taakunga piguit, taava motori unitsilaaruk, narsarsuaq peeriarlugu avatangiisitit isiginnaakkit. 
 
Taakaniipput qaqqat, qooqqut, kangerluit tatsillu. Taakani inuk mikisuararsuuvoq, aamma tamaani eqqissisimaneq nipaassuserlu, qilaap tungujulaarnera arsarnerillu annertunersaapput. Sumiiffinnilu amerlasuuni imaqj imaluunnit isikkivimmiit isikkivimmut sermersuarmut isikkivik annertunersaasarpoq.  


Ilaqutariittut inuuneq sukkalisaarnermillu nuannarisaqarneq
Qamuteralaat inersimasunoortuupput meeqqanoortuullutillu. Tassa ilaqutariittut inuuneq imaluunniit sukkasuumik siumakarneq. Tassa illaqattaarneq. Tassa nunamut toqqaannartumik aqqut. Aaamma angallassisartunik ilinniarsimasunik ilaqarluni toqqissisimanarpoq, taakku misigisassanut aqqutissiuussisarput, annertunerusumillu piumassuseqalersitsisarlutik.

Qaasuitsup killeqarfiani naatsunik imlauunniit aqqutaani illuaqqami unnuillutit angalasinnaavutit. Sunut tamanut apeqqutaavoq, illit suna nuannarinerpaanerugit, inassutigaarpullu, nunap immikkoortuani takornariartitsisartumut attaveqassasutit, taassuma illit kissaatitit malillugit angalanernik iluarsartuussinissannik ikiorsinnaavatit. 

Taamaattumik atisatit oqornerpaat atikkit, nasarsuaq atiuk ilasaataalu ilallugu. Aputip atinniittup nunarsuullu avatangiiserisappit nuannaarnerpit sinnera isumagissavaa. 

Sisimiut

Kentec Snow Life
Ittukasiup Aqqutaa B 1043
3911  Sisimiut

Oqar.:  (299) 86 63 20
kentec@greennet.gl
Kangerlussuaq

Kangerlussuaq Tourism
Boks 49
3910 Kangerlussuaq

Oqar: (299) 84 16 48
kangtour@greennet.gl