Avannaarsuani ukiuunerani misigisassaq

Arctic Circle Region-imi Kalaallit Nunaanni qimmeqarfiit qiterisaqarfianiipputit.

Tassani qimusseq ukiuni untritilikkuutaani kulturitut aallaaviusimavoq, qamutit inunnit nutsunneqarneraniit maannakkut qimminik qimuttoqarnerat, illoqarfimmiunut tikeraanullu nuannaartitsisartut misigisaqartitsisartullu.

Qimusseq Kalaallit Nunaanni qaasuitsup killeqarfiani tamani inuunermut ilisarnaataavoq. Ilutigitillugu Arctic Circle Region Kalaallit Nunaanni kujasinnerpaavoq, qimussimik misigisaqarfigisinnaasat, aammalu qimussimik angalanermi aalajangersimasumik ilaalluinnarpoq qimussimik angalaneq kulturimut ilaalluinnarnera.

Qaammatini arfinilinni apummi nuannisarneq
Maani misigisinnaavatit qimmeqatigiit, sulinermut sunngiffimmilu, assartuinerut misigisassarsiornermullu atorneqartut, aamma februaarimiit apriilip tungaanut qimussimik angalanissamut piffissaanerpaavoq. Kisianni aputip qanoq innera apeqqutaalluni sumiiffimmi ingammik Sisimiut illoqarfianni oktobarimi novembarimiluunniit qimussertarneq aallartissinnaavoq, tassanngaaniillu tunumut qiviarnissamut tunngavissaqanngilaq.

Paarlattuanik qamutip siornanut isigisinnaavutit, qimussit aqqutaatigut qimmeqatigiillu qulaallugit, illit aquttorlu qimmillu imminnut pillutik ataatsimoorlutik suleqatigiittut. Tamanullu nuannaartitsisut. Taava qimussip apummut sermimullu nipaarpalaarnera tusarnaaginnarneqarsinnaavoq, puisip amianut kissasserluni inuunerullu qanoq oqitsigisinnaanera nuannisaarutigalugu.

Qimusserneq avannaarsuani ukiuunerani misigisassaavoq ilumoortoq. Nunamut angalaneruvoq, Arctic Circle Regionimi qimussertartut kulturikkut oqaluttuarisaanikkullu sumiiffinni najugaqartunut pingaarutilerujussuaq.

Ukiuni untritilinni piniartut aqqutigisarsimasaat qaqqat akornatigut, angallaviit sinerlugit, tatsit kangerluillu akornisigut ingerlasoqartarpoq, maluginiaraannilu tuttunik, aqissinik ukallinillu takunnittoqarsinnaavoq. Maani silami qimmit nunalu nuannaarnerlu ilagalugit Arctic Circle Regionimi inuuneq malugisinnaavat.

Sisimiut illoqarfianni qimussimik unamminerit misigisinnaavatit, tamatumani illoqarfimmi qimussiussisartut qanimut qanillisinnaallugit, qimiussiussartut namminneerlutik qimmiminnik qimussillu oqaluttuartut. Kisianni amerlasuunut tamanna naammanneq ajorpoq. Taava periarfissaq ataasiinnanngorpoq: Qimusserfissanngorpoq.

Ulluinnarlugu angalanerit

Unnuilluni angalanerit