Arctic Circle Race

Nunarsuarmi ujakkaarnerit sakkortunersaattut taaneqarnikuuvoq. Sakkortuumik unammillernartutut taaneqarnikuuvoq. Nunami qaqqartuumi ullunipingasuni 160 km-iuvoq, Kalaallit Nunaanni qaasuitsup killeqarfianiit 65 kilometerinik avannarpasinnerusoq. Tassa Arctic Circle Race.

Sisimiuni innuttaasut avataaneersullu
Sisimiut eqqaanni nunami tamanut misigisassaavoq amerlanernullu unammillernartuulluni, nunarsuaq tamakkerlugu ujakkaarluni unammisartut katersuukkaangata unammillutillu, illoqarfik tamakkerluni peqataasut isiginnaartullu sullinnialeraangatigit, , ukiut qulit sinnerlugit Arctic Circle Region-imut  takkuttarnikuusut ujakkaarneq misiginiarlugu, sakkortunerpaaffiani pitsaanerpaaffianilu.

Ujakkaarneruinnanngilaq.
Kisianni Arctic Circle Race ujakaarneruinnanngilaq. Sumiiffimmi innuttaaqataasunnguanut sapaatip akunnera sinnerlugu pisuuvoq, Kalaallit Nunaata tunniussinnaasaasa pitsaanersaanik tunniussisinnaasoq, eqqarsarnartoq nunallu immikkoortuani tikeraartunut ingerlateqqinneqartartoq. Aamma nuannaartunut peqataanissamut ujakkaartartuusariaqanngilatit. 

Sisimiuni nipilersortoqartarpoq, saqqummersitsisoqartarpoq, oqalugiartoqartarpoq, innuttaasunik kaffisoqatigiittoqartarpoq, qamuteralannik qimussinillu tammaarsimaartoqartarpoq unammersuarmullu atatillugu allarpassuarnik pisoqartarpoq – aammalu unnuleraanga illoqarfik uummartarpoq qilammilu arsarneqartarluni.

Tassa Arctic Circle Race.

Ujakkaarneq pillugu, qanoq peqataasoqarsinnaanersoq ujakkaanerullu ingerlanerani suut sammineqartarnersut, uani Arctic Circle Race nittartagaani annertunerusumik atuarsinnaavatit.

Qupperneq siulianut uterit