Sisimiut

Hotel Sisimiut

Hotel Sisimiut allanngortiterneqarnermi kingorna juunimi 99-imi hotellitut ataatsimiittarfittullu sisamanik ulloriaasalittut naliligaavoq. Tassani init ataasiakkaat 20-it, init marluuttarissat 12-it aamma init marluuttarissat angisoorsuit 6-it neqeroorutigaagut.
 
Hotellip neriniartarfia Restaurant Nasaasaaq Kalaallit Nunaani pitsaanerit ilaattut ilisarisimaneqarpoq.
 
Hotellip ataatsimiittarfia ataatsimiittarfinnik gruppertarfinnillu arlalinnik atugassaateqarpoq. Ilusilersugaanera atortorissaarutailu ullutsinnut tulluarsagaapput – Kalaallit Nunannilu nutaaliaanerit ilagalugit.


Hotel Sisimiut
Box 70
Aqqusinersuaq 86
3911 Sisimiut

Oqar: (299) 864840
Fax: (299) 865615

hotsisi@greennet.gl

Booking
Sømandshjemmet i Sisimiut

Pingasunik ullorialittut naliligaq ataatsimeersuarnernullu ataatsimiinnernullu qitiusoq. Umiartortut angerlarsimaffiat ilaqutariinnut hotelliuvoq nutaaliaasoq 30-nik initalik uffarfilinnik, isiginnaarutilinnik oqarasuaatilinnillu. Umiartortut angerlarsimaffianni najugaqarsinnaapput kikkut tamarmik silaannarlu alianaatsoq pissanganartorlu misigalugu.
 
Nerisarfipput nerisassanik pitsaasunik suliarilluakkanik sassaallertarpoq. Tikeraatsinnut ullormut aviisit amma tv-mik isiginnaartarfik, kiisalu ataatsimiittarfiit pikkorissartarfiillu atorneqarsinnaapput. 


Sømandshjemmet i Sisimiut
Box 1015
Frederik d IX's Plads 5
3911 Sisimiut

Oqar: (299) 86 41 50
Fax: (299) 86 57 91

sisimiut@soemandshjem.gl

Booking
Katakhousing
 
Katakhousing 7-nik inissiaateqarpoq. Ataastimik initallit pingasut, marlunnik initallit marluk, pingasunik initalik ataaseq sisamanillu initalik ataaseq.      

Inissiat tamarmik angerlarsimaffippalaartumik alianaatsumillu aaqqissugaapput. Atortunik tamanik atortoqarlutik. Igaffeqarput, uffarfeqarlutik nutaaliaasunik. TV radiolu inimi. Internettimut attavik pisiarineqarsinnaavoq computerimillu attartortoqarsinnaalluni. Errorsisitsineq rensertitsinerlu ullormi tigoqqillugit neqeroorutaavoq. Akinut siniffimmut puut allarutillu ilaapput.

 

Katakhousing
Eliarsip Aqquserna 2 – 4
3911 Sisimiut

Kontoradresse:
Katakservice
Box 21
Taseq Amitsoq B-1184
3911 Sisimiut
Tlf. +299 86 64 70
Fax : +299 86 64 74
E-mail katakaps
E-mail oro
www.katakaps.gl

Sisimiut Gæstehjem

Sirius Greenland unnuisarfimmi illumi mikisumi 8-nik siniffilimmi unnuisinnaanermik neqerooruteqarpoq. Illu ininik, minnerusumik sinittarfilimmik, iggavimmik nammineerfiusumik ataatsimoorussamik isiginnaarutilimmik kiisalu uffarfilimmik perusuersartarfilimmillu ilaqarpoq.
 
Unnuisarfik illoqarfiup kujataatungaani piniartoqarfimmi inissisimavoq, illoqarfiup isikkivianiit ”Nasiffimmiit” hundrede meter sinnilaarlugit inissisimalluni. Illu akerluinnaani bussinut unittarfeqarpoq pisiniarfeqarlunilu ullut tamaasa 22.00 tungaanut ammasartoq eqqaani inissisimavoq.
 
Assersuutigalugu ilaqutariinnut illu tamaat attartornissaanut periarfissaqarpoq. Taamaasilluni atugassat nammineq atornissaat qulakkeerneqarsinnaavoq.


Sisimiut Gæstehjem
Postboks 32
3911 Sisimiut

Oqar: (299) 48 67 90 /48 46 90

bgl@siriusgreenland.com
mka@siriusgreenland.com

Booking
Sisimiuni Unnuisarfik
 
Pitsaasunik 2-nik 4-nilluunniit quleriilinnik siniffittalinni akikitsumillu unnuinissaq Sisimiuni Unnuisar­fimmi neqeroorutigineqarput. Katillugit 30-nik siniffeqarpoq, torsuusami perusuersartarfeqarlunilu uf­farfeqarpoq, ataatsimoorussamik igaffeqarpoq, nerisarfeqarluni, errorsisarfeqarluni fjernsynertarfeqarlu­nilu. Aputeqannginnerata nalaani cykelinik attartortoqarsinnaavoq.
 
Illoqarfiup nutaannginnerusortaani Unnuisarfik inissisimavoq, eqqannguani bussinut unittarfeqarlunilu meeqqanut pinnguartarfeqarpoq, 5 minutsillu missaani pisulaaraanni illoqarfiup qeqqanut pisoqarsin­naavoq.
 
Sisimiuni Unnuisarfik
Kaalikassap Aqq 25
3911 Sisimiut
 
Oqarasuaat: (299) 52 25 14, aatsaat nal. 16.00 kingorna
 
Knud Rasmussenip Højskolia

Højskole avataaneersuniit unnuisarfittut atorneqarsinnaavoq imaluunniit siunertanut allanut, soorlu pikkorissarnernut assigisaanullu piffissami maajip qeqqaniit decemberip qeqqata tungaanut.

Piffissami matumani ininik ataasiittarissanik 18-inik ininillu marluuttarissanik 17-inik peqarpoq. Init ataasiittarissat arlallit inillu marluuttarissat tamarmik errortorfimmik piligaapput. Init tamarmik tullinnguuttunik immigaapput: sikaaviit, nerriviit allaffiit, issiaviit, issiavissuaq, radio itersaatitalik, atisanut manisiviit, nivinngaaviit, kiisalu nerrivimmi qulliit.  

Ullaakkorsiorneq kiisalu torersaaneq eqqiaanerlu akimi ilaareerput. Soorluttaaq tungermik, akitsinik oqorutillu qaliinik, allarutinik qaqorsaatinillu atuinermut aki ilaareerpoq. Ataatsimeersuartitsisoqarniartillugu assigisaanilluunniit ingerlatsisoqarniartillugu akikillisaanissamik neqerooruteqartarpugut.


Knud Rasmussenip Højskolia
Box 1008
Aqqusinersuaq 99
3911 Sisimiut

Oqar:  (299) 86 40 32
Fax: (299) 86 49 07

knud@greennet.gl

Booking

Tupersimaartarfik - Sisimiut Camping

Illoqarfiup kangimut anillagiaani qimmiliviup kangiani illoqarfiup qaqqaanut isikkivigissumi akeqanngitsumik tupersimaartarfeqarpoq. Sisimiut illoqarfiata avataani tupersimaartarfik Aqqusinersuup nanginnerani sioqqanik aqquserngup avataaniippoq. Aasaanerani perusuersartarfiliillunilu eqqaaviliisoqartarpoq.

Aamma Asummiuni mittarfimmut aqquserngup avataani tupersimaarfissaqarluarpoq, tamaanngaaniit illoqarfimmut, immamut qaqqanullumi isikkivigilluinnarlunittaaq.